اسکوئڈ گیم سیزن 2 کب ریلیز ہوگا اعلان کر دیا گیا

اسکوئڈ گیم کاپہلا سیزن پچھلے برس ریلیز ہوا تھا

ویب ڈیسک June 13, 2022

اسکوئڈ گیم نےشائقین میں بےحد مقبولیت حاصل کی تھی(فوٹو ٹوئٹر)

RAWALPINDI: نیٹ فلکس کی جانب سے معروف کورین سیریز'' اسکوئڈ گیم'' کا دوسرا سیزن ریلیز کرنے کا اعلان کردیا گیا۔

گزشتہ برس دنیا بھر میں بےحد مقبولیت حاصل کرنے والی کورین سیریز 'اسکوئڈ گیم' کا دوسرا سیزن ریلیز کرنے کا اعلان کر دیا گیا ہے، نیٹ فلکس نے اسکوئڈ گیم کے رائٹر، ڈائریکٹر، پروڈیوسر اور تخلیق کار ہوانگ ڈونگ کی طرف سے تحریر کردہ نوٹ شیئر کر کے مداحوں کونئے سیزن کی اطلاع دی۔

اسکوئڈ گیم کے تخلیق کار نے اپنے پیغام میں کہا کہ' پچھلے سال سیریز کا پہلا سیزن اسکرین پر لانے میں 12 برس لگے لیکن اسے نیٹ فلکس کی مقبول ترین سیریز بننے میں صرف 12 دن کا وقت لگا'۔

Hwang Dong-Hyuk writer, director, producer, and creator of @squidgame has a message for the fans: pic.twitter.com/DxF0AS5tMM

- Netflix (@netflix) June 12, 2022

انہوں نے کہا کہ 'اسکوئڈ گیم کے رائٹر، ڈائریکٹر اور پروڈیوسر کی حیثیت سے میں دنیا بھر میں موجود مداحوں کو سراہنا چاہتا ہوں۔ انہوں نے ناظرین کا شکریہ ادا کرتے ہوئے کہا کہ آپ کا بہت شکریہ کے آپ نے اسکوئڈ گیم دیکھا اور اسے بہت پسند کیا۔

ہوانگ ڈونگ نے مزیدکہا کہ 'اب سیزن 2 آرہا ہے، جی آئی ہن واپس آرہا ہے اور آپ کو ینگ ہی کے بوائے فرینڈ چیول سُو سے بھی ملوایا جائے گا'۔

یاد رہے کہ اسکوئڈ گیم کاپہلا سیزن پچھلے برس ریلیز ہوا تھا اور اس نےشائقین میں بےحد مقبولیت حاصل کی تھی۔