آئی پی ایل کیوں نہیں کھیلتے بھارتی صحافی بھارتی حکومت سے ہی پوچھیں آفریدی

پاکستان نے ہمیشہ بھارتی کرکٹ کو سپورٹ کیا، دھمکیوں کے باوجود گرین شرٹس نے پڑوسی ملک کا دورہ کیا، آفریدی فوٹو: فائل

---

آئی پی ایل میں شرکت نہ کرنے کی وجہ بھارتی حکومت سے پوچھیں، شاہد آفریدی نے الٹا صحافی پر سوال داغ دیا۔

میر پور میں میڈیا کے نمائندوں سے بات کرتے ہوئے انہوں نے کہا کہ پاکستان نے ہمیشہ بھارتی کرکٹ کو سپورٹ کیا، دھمکیوں کے باوجود گرین شرٹس نے پڑوسی ملک کا دورہ کیا، مجھے جتنا لطف بھارت میں کھیل کر آتا ہے کسی اور ملک میں نہیں، پڑوسی کے طور پر ہمارے اچھے تعلقات ہونے چاہئیں، کرکٹ دونوں ممالک کے روابط بہتر بناسکتی ہے۔آل رائونڈر سے آئی پی ایل میں شامل نہ کیے جانے کے حوالے سے سوال کیا گیا تو انھوں نے کہا کہ آپ یہ سوال میرے بجائے بھارتی حکومت سے پوچھیں۔