عراق کیفے اور بازار میں بم دھماکے 10 افراد جاں بحق متعدد زخمی

مشاحادہ میں کار بم دھماکے نے 2 افراد کی جان لے لی، بغداد کے جنوب میں 4 افراد لقمہ اجل بنے، 10بم دھماکوں میں مرنیوالوں کی تعداد 21 ہوگئی۔ فوٹو: رائٹرز/فائل

---

عراق میں ایک کیفے میں بم اور ایک کار بم دھماکے میں 10 افراد جاں بحق اور 22 افراد زخمی ہوگئے۔

بعقوبہ شہر کے قریبی قصبہ میں واقع ایک قہوہ خانے میں بم دھماکے میں 4 افراد جاں بحق اور 7 زخمی ہو گئے۔ اس سے قبل دن کے وقت مشاحادہ علاقہ میں ایک کار بم دھماکے میں 2 افراد جاں بحق اور 15زخمی ہوگئے جبکہ4 دیگر افراد دارالحکومت بغداد کے جنوب میں مارے گئے۔ دھماکوں کے بعد علاقوں میں افراتفری مچ گئی، سیکیورٹی اہلکاروں نے جائے وقوع کو گھیر کر امدادی کارروائیاں شروع کرائیں۔ قبل ازیں بدھ کے روز ہونے والے سلسلہ وار 10بم دھماکوں میں جاں بحق ہونے والوں کی تعداد 21 ہوگئی۔