مشہور کورین بینڈ’ بی ٹی ایس‘ کے اراکین نے راہیں جدا کرلیں

بینڈ کے تمام اراکین کچھ عرصہ انفرادی طور پر کام کریں گے(فائل فوٹو)

---

HARIPUR: مشہور کورین پاپ بینڈ بی ٹی ایس نےسولو پراجیکٹس پر توجہ مرکوز کرنے کے لئے بینڈ سے علیحدگی کا اعلان کر دیا۔

رپورٹ کے مطابق جنو بی کوریا کے معروف ترین پاپ بینڈ 'بی ٹی ایس' کے اراکین نے الگ الگ کام کرنے کا فیصلہ کرلیا ہے جس کے بعد اب بینڈ کے تمام اراکین کچھ عرصہ انفرادی طور پر کام کریں گے۔

بی ٹی ایس کےاراکین کا کہنا ہے کہ وہ کچھ وقت کے لئے علیحدہ پرفارم کریں گے تاہم بینڈ ختم نہیں کیا جا رہا ، بی ٹی ایس نے اعلان کیا کہ وہ اب اپنے سفر کا دوسرا باب شروع کرنے جا رہے ہیں اور سولو پروجیکٹس پر زیادہ توجہ مرکوز کریں گے، کیونکہ وہ خود کو بطور فنکار دریافت کرتے ہیں۔

بینڈ کے ریپر سوگا نے اپنے ایک بیان میں واضح کیا کہ'' بی ٹی ایس ختم نہیں ہو رہا لیکن ہم مزید مضبوطی کے ساتھ بطور بینڈ واپس آئیں گے''۔

[#2022BTSFESTA]
🕘614
기다리고 기다렸던
2022 찐 방탄회식 공개!
(https://t.co/lxC4g968IC)#2022BTSFESTA#BTS9thAnniversary#2022찐방탄회식#아미사랑해 #아포방포

- BTS_official (@bts_bighit) June 14, 2022

سوگا نے مزید کہا کہ''میں نے موسیقی شروع کی اور بی ٹی ایس بن گیا تاہم وبائی امراض کی زد میں آنے اور چیزیں بدلنے کے ساتھ گروپ یقینی طور پر بدل گیا ہے اورہم انفرادی طور پر خود کو کھو چکے ہیں اس لئے اب ہم علیحدہ ہوکر نیا کانٹینٹ بنائیں گے ''۔

خیال رہے کہ بی ٹی ایس نے2013 میں اپنے پہلے گانے ''نو مور ڈریمز'' کے ساتھ کورین پاپ موسیقی کو دنیا بھر میں متعارف کروایا تھا ،ان 9 سالوں میں اس بینڈ نے دنیا بھر میں بےحد مقبولیت حاصل کی اور اب دنیا کے ہر کونے میں بی ٹی ایس کے مداحوں کی ایک بڑی تعداد موجود ہے۔