ڈرامہ آرٹسٹ ثنا خان ٹریفک حادثے میں جاں بحق جبکہ ان کے شوہر اور ڈرامہ آرٹسٹ بابر خان شدید زخمی ہوگئے۔

ایکسپریس نیوز کے مطابق ثنا خان اپنے شوہر بابر خان کے ہمراہ کراچی سے حیدر آباد جارہی تھیں کہ اسی دوران ٹریفک حادثہ پیش آیا جس کے نتیجے میں وہ جاں بحق اور ان کے شوہر شدید زخمی ہوگئے، ثنا خان کے اہلخانہ کا کہنا ہے کہ ان کی میت تدفین کے لئے کراچی لائے جائے گی جبکہ ان کے شوہر کو اسپتال منتقل کردیا گیا ہے جہاں انہیں طبی امداد فراہم کی جارہی ہے تاہم ڈاکٹروں کے مطابق انہیں بھی حادثے میں گہری چوٹیں آئی ہیں جس کے باعث ان کی حالت تشویشناک ہے۔