نازیبا ویڈیو کے ذریعے لڑکی کو بلیک میل کرنے والا گرفتار
ملزم وقاص نے تصاویر اور ویڈیوز واٹس ایپ پر شیئر کیں اور جنسی تعلقات کے لیے لڑکی کو ہراساں کیا
FRANKFURT:
ایف آئی اے سائبر کرائم ونگ نے لڑکی کی نازیبا ویڈیوز و تصاویر بناکر واٹس ایپ پر شیئر کرکے ہراساں کرنے اور جنسی تعلقات استوار رکھنے کے لیے بلیک میل کرنے والے ملزم کو گرفتار کرکے مقدمہ درج کرلیا۔
حکام کے مطابق ملزم وقاص احمد پر الزام ہے کہ اس نے لڑکی کی قابل اعتراض تصاویر اور ویڈیوز ریکارڈ کر کے سماجی رابطے کی ویب سائٹ واٹس ایپ وغیرہ پر شیئر کیں اور جنسی تعلقات رکھنے کے لیے اسے ہراسال کرکے بلیک میل کرتا رہا جس پر ملزم کی گرفتاری کے لیے ٹریپ ریڈ ترتیب دیا گیا اور ایف آئی اے سائبر کرائم کی ٹیم نے ملزم کو اسلام آبا د سے گرفتار کرلیا۔
ایف آئی اے حکام کے مطابق ملزم کے قبضے سے اس کا موبائل بھی قبضے میں لے لیا گیا ہے جسے فرانزک تجزیے کے لیے لیبارٹری ارسال کردیا گیا ہے۔
حکام کا مزید کہنا تھا کہ متاثرہ لڑکی کے بیان پر ملزم کے خلاف مقدمہ درج کرکے تفتیش شروع کردی گئی ہے جس کے بعد مزید انکشافات کی توقع ہے۔