عدالت کا عامر لیاقت کے پوسٹ مارٹم  کا حکم

والد کی موت کے سلسلے میں کسی پرشک نہیں،ورثا عامرلیاقت:فوٹو:فائل

---

LONDON: کراچی کی عدالت نے معروف ٹی وی اینکر و سابق رکن قومی اسمبلی ڈاکٹر عامر لیاقت کے پوسٹمارٹم کا حکم دے دیا۔

سٹی کورٹ میں عامرلیاقت کا پوسٹمارٹم کرانے سے متعلق درخواست کی سماعت ہوئی۔ عدالت نے عامرلیاقت کا پوسٹ مارٹم کرانے سے متعلق درخواست منظورکرتے ہوئے پوسٹ مارٹم کرانے کا حکم دے دیا۔

عدالت میں عامر لیاقت کے ورثا اورسرکاری وکیل پیش ہوئے۔ سرکاری وکیل نے موقف اختیار کیا کہ عامر لیاقت کے ورثا کا کہنا ہے کہ پوسٹمارٹم کرانے سے ان کے والد کی روح کو تکلیف ہوگی اس لئے وہ پوسٹمارٹم نہیں کرانا چاہتے۔ ورثا کے مطابق انہیں کسی پرشک بھی نہیں۔

مزید پڑھیں : عامر لیاقت کی وجہ موت کے تعین کیلیے قبرکشائی کی درخواست

عدالت میں پیش کی گئی پولیس رپورٹ کے مطابق پولیس سرجن کا کہنا ہے کہ جب تک جسم کا اندرونی جائزہ نہیں لیا جائے گا موت کی وجوہات معلوم نہیں ہوسکیں گی۔ عدالت نے فریقین کے دلائل سننے کے بعد آج صبح فیصلہ محفوظ کیا تھا۔

سٹی کورٹ کراچی میں جوڈیشل مجسٹریٹ کی عدالت میں شہری عبدالاحد نے عامر لیاقت حسین کے پوسٹ مارٹم سے متعلق درخواست دی تھی۔