شعیب ملک کے 3 سالہ بیٹے نے گریجویشن مکمل کرلی

- My sonshine Izhaan graduated from his nursery, making baba super proud!

شعیب ملک نے اپنے بیٹے کو دعا دیتے ہوئے لکھا کہ 'تم بہت تیزی سے بڑے ہورہے ہو، اللہ تمھیں ہر چیز میں کامیاب کرے، میں ہمیشہ تمھارے ساتھ اور پیچھے کھڑا ہوں'۔

علاوہ ازیں شعیب ملک کی اہلیہ اور بھارتی ٹینس اسٹار ثانیہ مرزا نے انسٹاگرام اسٹوری میں اذہان کی تصویر شیئر کرتے ہوئے لکھا کہ 'میرے بیٹے کی نرسری کلاس کی گریجویشن ہوگئی ہے'۔

انہوں نے لکھا کہ 'مجھے اذہان کی والدہ ہونے پر بہت فخر ہے، میں بہت دکھی ہوں کیونکہ برطانیہ میں ہونے کی وجہ سے میں اپنے بیٹے کی گریجویشن کی تقریب میں شریک نہیں ہوسکی'۔

ثانیہ مرزا نے لکھا کہ 'ماں ہونے کے ناطے اس پُرمسرت موقع پر مجھے اپنے بیٹے کے ساتھ ہونا چاہیے تھا مگر میں شرکت نہ کرنے پر شرمندہ ہوں'۔ انہوں نے اپنے اہل خانہ کا شکریہ ادا کرتے ہوئے کہا کہ 'میری فیملی بہت سپورٹ کرتی ہے اور ہمیشہ ساتھ کھڑی رہتی ہے جس پر میں اُن کی شکر گزار ہوں'۔