ٹنڈو الہیار5ماہ قبل کراچی سے اغوا کی گئی2بہنیں بازیاب2ملزمان گرفتار

11 سالہ تانیہ اور 12 سالہ رخسانہ کو کام پر جاتے ہوئے اغوا کرکے زبردستی نکاح کرلیا. فوٹو: فائل

---

5 ماہ قبل کراچی سے اغواکی گئیں 2 سگی بہنیں ٹنڈوالٰہایر سے بازیاب، 2 ملزمان گرفتار، ملزمان بدنام زمانہ ڈاکو نورو ماچھی کے قریبی رشتے دار ہیں، ایس ایس پی کی پریس کانفرنس۔

تفصیلات کے مطابق ایس ایس پی ٹنڈوالٰہیار جاوید احمد بلوچ نے پریس کانفرنس کرتی ہوئے بتایا کہ کراچی کے مبینہ ٹاؤن تھانے کی حدود سے 5ماہ قبل اغوا کی گئیں11 سالہ تانیہ اور 12 سالہ رخسانہ نجاری کو عمر ساندھ تھانے کی حدود کے گاؤں لال جان لاشاری سے بازیاب کرالیا گیا ہے۔

بچیوں کوگھر سے کام پر جاتے ہوئے 5 افراد نے اغوا کرلیا تھا اور زبردستی نکاح کرلیا۔ انھوں نے بتایا کہ چند روز قبل مذکورہ بچیوں کی ماں سرداراں اور باپ مطلوب حسین نجاری نے بتایا کہ ان کی بچیوں کو اغوا کاروں نے عمر ساندھ کے علاقے میں رکھا ہوا ہے۔سی آئی اے انچارج لیاقت علی درسنیایس ایچ او افضل مگسی کے ہمراہ چھاپہ مار کر بچیوں کو بازیاب کرالیا۔ پریس کانفرنس میں بازیاب بچیوں کے والدین بھی موجود تھے۔