حج سے قبل غلاف کعبہ 3 میٹراوپراٹھا دیا گیا

غلاف کعبہ اوپراٹھانے کا مقصد دوران حج اسے نقصان سے محفوظ رکھنا ہے

ویب ڈیسک June 20, 2022

کسویٰ کو اوپراٹھا کرخانہ کعبہ کے گرد سفید کپڑا لپیٹ دیا گیا:فوٹو:سوشل میڈیا

حج کی تیاریوں کے سلسلے میں غلاف کعبہ کو 3 میٹر اوپراٹھا دیا گیا۔

سعودی وزارت حج وعمرہ کے مطابق غلاف کعبہ کو جسے 'کسویٰ' کہا جاتا ہے زمین سے 3 میٹر اوپراٹھا دیا گیا۔ غلاف کعبہ اٹھانے کے بعد خانہ کعبہ کے گرد احرام کی علامت کے طورپر سفید کپڑا لپیٹ دیا گیا۔ خانہ کعبہ کے گرد سفید کپڑا ڈھانپ کرعلامتی طورپرحج سیزن کے آغاز کا اعلان بھی کیا جاتا ہے۔

Follow this thread as we share pictures and videos from tonight’s ceremony of raising the Kiswah 🕋

The ceremony of raising the Kiswah has begun pic.twitter.com/3ejOZ35NZJ
— Inside the Haramain (@insharifain) June 19, 2022

حرمین شریفین کے امور کی نگراں وزارت کے صدر اورامام کعبہ شیخ عبدالرحمٰن السدیس نے غلاف کعبہ اٹھانے سے قبل عشا کی نما ز پڑھائی اورپھرغلاف کعبہ اٹھانے کے عمل میں شرکت کی۔

ہرسال حج سے قبل غلاف کعبہ کو زمین سے 3میٹر اوپراٹھا دیا جاتا ہے جس کا مقصد عازمین حج کے رش کے باعث غلاف کعبہ کو نقصان پہنچنے سے بچانا ہے۔ غلاف کعبہ کواوپراٹھانے کے دوران عازمین کا طواف جاری رہا۔