آج آفریدی اور لسیتھ مالنگا کا ٹاکرا بھی ہوگا

دونوں پلیئرز میچ کا پانسہ پلٹنے کی بھرپور صلاحیت رکھتے ہیں۔

Sports Desk March 08, 2014

دونوں پلیئرز میچ کا پانسہ پلٹنے کی بھرپور صلاحیت رکھتے ہیں۔ فوٹو: فائل

ہفتے کو ایشیا کپ فائنل میں پاکستانی آل رائونڈر شاہد آفریدی اور سری لنکن فاسٹ بولر لسیتھ مالنگا کا ٹاکرا بھی ہوگا۔

دونوں پلیئرز میچ کا پانسہ پلٹنے کی بھرپور صلاحیت رکھتے ہیں، افتتاحی مقابلے میں آئی لینڈرز نے گرین شرٹس کو12رنز سے ہرایا تھا، اس مقابلے میںمالنگا نے 52رنز دیکر5وکٹیں اپنے نام کی تھیں،اس کے بعد منعقدہ 2 میچز میں آفریدی نے پہلے بھارت کے دانت کھٹے کیے اور پھر بنگلہ دیش کو رلادیا، مالنگا اختتامی اوور میں تباہی مچانے والے آفریدی پر قابو پانے کیلیے اپنی یارکرز اور ریورس سوئنگ پر خاصی محنت کررہے ہیں، دوسری جانب آفریدی کا بیٹ بھی کسی بھی بولر کو خاطر میں نہیں لارہا، بنگلہ دیش کیخلاف چھکوں کی بارش کرنے پر آفریدی نے کہا تھا کہ مجھے ایسی بیٹنگ کا لائسنس ملا ہوا ہے، اس صورتحال پر مالنگا نے کہاکہ مجھے آفریدی کی فکر نہیں، میں حریف پلیئرز کے بارے میں نہیں سوچتا،نہ ہی یہ سمجھتا ہوں کہ وہ بھی صرف میرے بارے میں سوچ رہے ہوں گے۔