کراچی: پاکستان نے 20 بھارتی ماہی گیروں کوواہگہ بارڈر پر بھارتی حکام کے حوالے کردیا۔

ایدھی ترجمان کے مطابق پاکستان نے جذبہ خیرسگالی کے تحت گزشتہ روز 20 ماہی گیروں کو کراچی کی جیل سے رہا کیا تھا۔ رہائی پانے والے بھارتی ماہی گیربس کے ذریعے کراچی سے لاہور پہنچے تھے۔

رہائی پانے والے قیدیوں میں کانجی، مانو، دانا، جیوا، رمیش، دنیش، دیوسی، میرو،۔ نارائن، لال جی، بھانرہ، نان جی، دنیش، ابو، یونس، نثار، عقیل، امین، فرید اور انیس شامل ہیں۔

ماہی گیروں کو واہگہ بارڈر پر بھارتی حکام کے حوالے کیا گیا۔ بھارتی ماہی گیروں کو جنوری 2019 میں سمندری حدود کی خلاف ورزی پر گرفتار کیا گیا تھا۔