ڈرائیونگ لائسنس پر پوائنٹس سسٹم نافذ کرنیکا فیصلہ ہر چالان پر پوائنٹس کٹیں گے

منفی پوائنٹس 20 سے تجاوز کرنے کی صورت میں لائسنس معطل کر دیا جائے گا۔

ویب ڈیسک June 20, 2022

منفی پوائنٹس 20 سے تجاوز کرنے کی صورت میں لائسنس معطل کر دیا جائے گا۔

ڈرائیونگ لائسنس پر ڈی میرٹ پوائنٹس سسٹم کو نافذالعمل کرنے کا فیصلہ کیا گیا ہے۔

موٹروے پولیس نے پورے پاکستان سے 80لاکھ سے زائد ڈرائیونگ لائسنس کا ڈیٹا محفوظ کر لیاہے۔ آئی جی موٹر وے خالد محمود نے کہا کہ موٹروے پولیس اب ہر چالان پر ڈرائیونگ لائسنس پر پوائنٹس کاٹے گی۔

انہوں نے کہا کہ NHSO-2000 کی سیکشن 86 کے تحت دو سال میں منفی پوائنٹس 20 سے تجاوز کرنے کی صورت میں لائسنس معطل کر دیا جائے گا۔

انسپکٹر جنرل این ایچ ایم پی خالد محمود کی ہدایت پر نیشنل ہائی ویز اور موٹروے پر ڈی میرٹ پوائنٹ سسٹم کا نفاذ کر دیا گیا ہے۔ pic.twitter.com/K7gvujWIgO
— National Highways & Motorway Police (NHMP) (@NHMPofficial) June 19, 2022

آئی جی موٹر وے نے مزید کہا کہ سابقہ تمام چالانوں کا ریکارڈ اب شناختی کارڈ، موبائل نمبر یا لائسنس نمبر کی مدد سے حاصل کیا جا سکے گا۔ موٹروے پولیس نے تمام لائسنسز کا ڈیٹا بیس سسٹم تیار کر لیاہے۔ ٹریفک قوانین کی پاسداری کرنا ہم سب کیلئے نہایت ضروری ہے۔