سویڈن کے کھلاڑی نے واشنگ مشین کو ہوا میں 14 فٹ اچھال دیا

جوہان ایسپنکرونا نے اٹلی میں اپنی قوت کا مظاہرہ کرتے ہوئے گنیز بک آف ورلڈ ریکارڈ میں اپنا نام درج کرایا

ویب ڈیسک June 23, 2022

سویڈن کے شہر جوہان ایسپنکرونا نے واشنگ مشین کو ہوا میں بلند ترین مقام تک اچھالنےکا نیا ریکارڈ قائم کیا ہے۔ فوٹو: فائل

DOHA: سویڈن کے ایک طاقتور شخص نے واشنگ مشین کو ہوا میں 14 فٹ 7 انچ تک اچھال کر گنیز بک آف ورلڈ ریکارڈ میں اپنا نام لکھوالیا ہے۔

یہ کارنامہ جوہان ایسپنکرونا نے قائم کیا ہے جنہوں نے اٹلی کے ایک شو میں اپنی قوت کا مظاہرہ کرتے ہوئے بھاری بھرکم واشنگ مشین کو اتنی بلندی تک پھینک کر لتھوانیا کے زائڈروناس سیویکاز کا ریکارڈ توڑا ہے جسے ٹی وی پر براہِ راست نشر کیا گیا تھا۔ واضح رہے کہ زائڈروناس نے واشنگ مشین کو ہوا میں 13 فٹ اور 6 اعشاریہ 6 انچ تک بلند کیا تھا۔

جوہان ایسپنکرونا نے اٹلی کے شہر میلان میں میں حال ہی میں اپنے فن کا عملی مظاہرہ کیا ہے۔ انہوں نے پوری قوت سے جب واشنگ مشین کو اچھالا تو وہ ہوا میں کئی قلابازیاں کھاتی ہوئی بلندی پر گئی اور پھر زمین کا رخ کرکے دھڑام سے فرش پر گری۔