نوازشریف سے ق لیگ کے سابق ایم این اے احمد رضا مانیکا کی ملاقات

ن لیگ پاکپتن کی قیادت ان سے رابطہ کرے گی اور آئندہ عام انتخابات سے قبل فارمولا طے کیا جائے گا۔ فوٹو فائل

---

مسلم لیگ(ن) کے صدر میاں نواز شریف سے مسلم لیگ(ق) کے سابق رکن قومی اسبملی احمد رضا مانیکا نے ملاقات کی۔

ملاقات میں احمد رضا مانیکا نے آئندہ انتخابات میں پیپلزپارٹی سے مقابلہ کرنے کے لئے مسلم لیگی دھڑوں کے اتحاد اور پارٹی کو فعال کرنے کی ضرورت پر زوردیتے ہوئے اپنے علاقے پاکپتن میں مسلم لیگ(ن) کی مقامی قیادت پر تحفظات کا بھی اظہار کیا۔

نوازشریف نے احمد رضا مانیکا کو پارٹی میں شمولیت کی دعوت دیتے ہوئے کہا کہ وہ پاکپتن میں لیگی رہنماؤں سے رابطہ کرکے آپ کے تحفظات کودورکرنے کی کوشش کروں گا۔ احمد رضا مانیکا نے اس موقع پرکہا کہ اگر آئندہ عام انتخابات سے قبل لیگی دھڑوں کو اکٹھا ہونا پڑا تو وہ اس کے لئے بھی تیار ہیں۔