بھارت میں شادی کی تقریب میں دلہا کی ہوائی فائرنگ سے دوست ہلاک

فائرنگ کا واقعہ کیمرے میں ریکارڈ کر لیا گیا

ویب ڈیسک June 23, 2022

دلہے کا دوست بابو لال یادیو آرمی کا اہلکار تھا۔ فوٹو : فائل

بھارتی ریاست اتر پردیش میں شادی کی تقریب کے دوران دلہے کی ہوائی فائرنگ سے اسکا دوست ہلاک ہوگیا، جسے کیمرے نے ریکارڈ کر لیا۔

فائرنگ کا واقعہ ضلع سون بھدرا کے علاقے برہمن نگر میں پیش آیا۔

فوٹیج میں دیکھا جا سکتا ہے کہ شادی کی تقریب کے دوران منیش مدھیشیا نامی دلہا اسٹیج پر کھڑا ہوکر جشن میں ہوائی فائرنگ کرتا ہے لیکن پستول سے نکلنے والی گولی اسکے دوست کو لگ جاتی ہے۔

https://twitter.com/BhokaalRahul/status/1539850001165058049?s=20&t=VWXb5BtGR6FkpSl1DnBwFg

دلہے کا دوست بابو لال یادیو آرمی کا اہلکار تھا جبکہ پستول بھی یادیو کی تھی۔

ایس پی سون بھدرا نے تصدیق کی ہے کہ دلہا اور ہلاک ہونے والا شخص آپس میں دوست تھے، گولی لگنے کے فوری بعد یادیو کو اسپتال منتقل کیا گیا جو دوران علاج دم توڑ گیا۔

پولیس افسر کے مطابق متاثرہ فیملی نے ایف آئی آر درج کروا دی ہے اور دلہے کو گرفتار کر لیا گیا ہے جبکہ واقعے میں استعمال ہونے والی پستول بھی قبضے میں لے لی گئی ہے۔