امریکا میں ٹرک سے 46 تارکین وطن کی لاشیں برآمد

ٹرک میں موجود چار بچوں سمیت 16 افراد کو تشویشناک حالت میں اسپتال منتقل کردیا گیا

ویب ڈیسک June 28, 2022

ہلاک ہونے والے افراد ممکنہ طورپرانسانی اسمگلروں کی مدد سے امریکا پہنچے تھے، پولیس حکام:فوٹو:سوشل میڈیا

RAWALPINDI: امریکا کی ریاست ٹیکساس میں ایک ٹرک سے 46 تارکین وطن کی لاشیں برآمد ہوئی ہیں۔

غیرملکی میڈیا کے مطابق ٹیکساس کے علاقے سان انتونیو میں ایک لاوارث ٹرک سے 46 تارکین وطن کی لاشیں ملی ہیں۔

پولیس حکام کے مطابق ڈرائیور ٹرک کا ائیرکنڈیشن کام نہیں کررہا تھا اورنہ ہی ٹرک میں پینے کے لئے پانی موجود تھا جبکہ ڈرائیور ٹرک چھوڑ کر فرار ہوگیا تھا۔ تین افراد کو حراست میں لے لیا گیا ہے۔تمام افراد ممکنہ طورپر بہتر مستقبل کی تلاش میں انسانی اسمگلروں کی مدد سے امریکا آئے تھے۔

حکام نے ہلاک ہونے والوں کی قومیتوں کے حوالے سے کچھ نہیں بتایا ۔مزید تحقیقات جاری ہیں۔