غداری کیس میں فرد جرم کے لئے پرویز مشرف کے پیش ہونے کا امکان نہیں

پرویز مشرف کے خلاف غداری کیس کی سماعت منگل 11 مارچ کو خصوصی عدالت میں ہوگی۔

Qaiser Sherazi March 09, 2014

عدالت نے پرویز مشرف کو فردجرم عائدکرنے کے لیے طلب کررکھا ہے فوٹو: فائل

PESHAWAR: پرویز مشرف کے خلاف غداری کیس کی سماعت منگل 11 مارچ کو خصوصی عدالت میں ہوگی تاہم سابق صدر کے پیش ہونے کا کوئی امکان نہیں۔

عدالت نے ملزم پرویز مشرف کو فردجرم عائدکرنے کے لیے طلب کررکھا ہے تاہم قریبی ذرائع نے بتایاکہ ضلع کچہری اسلام آباد کے سانحے کی بنیادپر ملزم اس روز سیکیورٹی خدشات کے باعث پیش نہیں ہوگا۔ وکلانے بھی انھیںیہی مشورہ دیا ہے۔ اس روزملزم کے وکلاکی طرف سے سیکیورٹی خدشات کے بارے میںدرخواست بھی عدالت میں پیش کی جائے گی۔ کل (پیرکو) ان کے وکلاعسکری ادارہ امراض قلب میںسابق فوجی آمر سے ملاقات کرکے عدالت پیشی کی حکمت عملی پرتبادلہ خیال کریںگے۔ عسکری ادارہ امراض قلب کے ذرائع کے مطابق مشرف کی صحت اب تسلی بخش ہے۔ وہ معمول کے مطابق ناشتہ، لنچ اورڈنر کررہے ہیں۔ ہلکی ورزش کوبھی معمول بنالیا گیاہے جبکہ سگارنوشی ترک کررکھی ہے۔ رشتے داروںاور دوست احباب سے فون پربھی بات کرتے ہیں۔