محکمہ موسمیات نے 30 جون سے کراچی سمیت مختلف شہروں میں مون سون بارشوں کی پیشگوئی کردی۔

محکمہ موسمیات کے مطابق بحیرہ عرب اورخلیجی ممالک سے مرطوب ہوائیں 29 جون کوملک کے بالائی علاقوں میں داخل ہوں گی جو رواں ہفتے کے آخر میں ملک کے جنوبی علاقوں میں زیادہ شدت سے پھیل سکتی ہیں۔

محکمہ موسمیات کا یہ بھی کہنا ہے کہ تین سے پانچ جولائی کے دوران کراچی اورحیدرآباد میں موسلا دھار بارش سے نشیبی علاقے زیر آب آنے کا خدشہ ہے۔اسلام آباد، راولپنڈی، لاہور،گوجرانوالہ ، سیالکوٹ اورفیصل آباد میں بھی 30 جون سے چار جولائی تک موسلا دھار بارش کا امکان ہے۔