کورونا کا پھیلاؤسندھ پولیس اہلکاروں کیلئے ماسک پہننا لازمی قرار

فوٹو:فائل

---

MANCHESTER: سندھ میں کورونا کیسز میں اضافے کے بعد آئی جی سندھ نے پولیس اہلکاروں کو ماسک پہننا لازمی قرار دے دیا ہے۔

آئی جی سندھ کی طرف سے جاری نوٹیفکیشن کے مطابق کورونا کیسسز میں اضافہ کے پیش نظر ڈیوٹی پر موجود اہلکاروں کیلئے فیس ماسک پہننا لازمی ہوگا۔

نوٹیفکیشن کے مطابق کورونا ایس او پیزکے تحت پولیس اہلکار 6 فٹ کا سماجی فاصلہ رکھیں گے،سینیٹائزر کا استعمال اور بار بار ہاتھ صاف کرنے کے علاوہ لازمی ہاتھ دھوئیں گے۔

کورونا سے متعلق نوٹیفکیشن میں یہ بھی کہا گیا ہے دوران ڈیوٹی تھرما میٹر سے پولیس اہلکاروں کا باڈی ٹیمپریچر چیک کیا جائے، آئی جی سندھ کے حکم پر سندھ پولیس کے ایڈیشنل آئی جی، ڈی آئی جیز کو حکم نامہ جاری کردیا گیا ہے،نوٹیفکیشن میں مزید بتایا گیا کہ کراچی میں کورونا وائرس کیسز کی شرح 21 فیصد تک پہنچ گئی ہے۔