متاثرین تھرکی امداد کےلیے وزیراعظم نے ہیلی کاپٹر فراہم کردیا
مشکل کی اس گھڑی میں مصیبت زدہ بھائیوں کا بھرپور ساتھ دیں گے،ترجمان وزیراعظم
وفاقی حکومت کی جانب سے سندھ حکومت کو متاثرین تھر کی مدد کے لیے مکمل تعاون کی یقین دہانی کرائی گئی ہے۔ فوٹو: فائل
وزیراعظم نے تھرپارکر کے متاثرین تک فوری امدادی سامان پہنچانے کیلئے ایم آئی سترہ ہیلی کاپٹر فراہم کر دیا ہے۔
ایکسپریس نیوز کے مطابق وفاقی حکومت کی جانب سے سندھ حکومت کو متاثرین تھر کی مدد کے لیے مکمل تعاون کی یقین دہانی کرائی گئی ہے اور اس سلسلے میں وزیراعظم نواز شریف نے متاثرین تک فوری امدادی سامان کی رسائی کے لیے ایم آئی سترہ ہیلی کاپٹر بھی فراہم کردیا ہے۔وزیراعظم کے ترجمان کا کہنا ہے کہ مشکل کی اس گھڑی میں مصیبت زدہ بھائیوں کا بھرپور ساتھ دیں گےجبکہ وزیراعظم نواز شریف کی ہدایت پر نیشنل ڈیزاسٹر مینجمنٹ بھی سندھ میں پی ڈی ایم اے سے رابطے میں ہے اور وزیراعظم کو لمحہ بہ لمحہ رپورٹ دی جا رہی ہے ۔