وفاقی حکومت نے پیٹرولیم مصنوعات کی قیمتوں میں 18 روپے تک کا بڑا اضافہ کردیا۔

نئی قیمتوں کا اطلاق رات 12 بجے سے ہوگیا ہے جو اگلے پندرہ روز تک لاگو رہیں گی۔

وزارت خزانہ کی جانب سے جاری کردہ تفصیلات میں بتایا گیا ہے کہ پیٹرول 14 روپے 91 پیسے اور ہائی اسپیڈ ڈیزل 18 روپے 44 پیسے فی لیٹر مہنگا کیا گیا ہے۔

قیمتوں میں اضافے کے بعد پٹرول کی قیمت 290.45 روپے فی لیٹر سے بڑھ کر305.36 روپے فی لیٹر جبکہ ہائی اسپیڈ ڈیزل کی قیمت293.40 روپے فی لیٹر سے بڑھ کر 311.84 روپے فی لیٹر ہوگئی ہے۔