یمن کے دارالحکومت صنعا میں اسلام کے خلاف توہین آمیز فلم کے خلاف احتجاج کے دوران مشتعل مظاہرین نے امریکی سفارتخانے پر حملہ کردیا۔
مظاہرین احتجاج کے دوران مطالبہ کررہے تھے کہ "یو ٹیوب" پر اسلام کے خلاف توہین آمیز فلم کے چلنے والے تشہیری ٹریلر کو بند کیا جائے۔
پولیس نے مظاہرین کو سفارتخانے میں گھسنے سے روکنے کے لیے فائرنگ کی لیکن پولیس بے قابو ہجوم کو روکنے میں ناکام رہی۔
امریکی سفارتخانے میں گھسنے کے بعد مظاہرین نے توڑ پھوڑ کی اورکئی گاڑیوں کوآگ بھی لگادی، اطلاعات کے مطابق واقعے میں کئی افراد زخمی بھی ہوئے۔
دوسری جانب یمن میں وزارت دفاع کے قریب کار بم دھماکے میں 13 افراد ہلاک ہو گئے۔