پاکستانی فلمساز محمد علی آسکر 2022 میں دستاویزی فلموں کیلئے جج مقرر

ان کی ڈاکیومینٹری ’امنگ دی بلویز‘ کو ایمی ایوارڈز کے لیے نامزد کیا جاچکا ہے

ویب ڈیسک July 04, 2022

محمد علی نقوی پاکستانی نژاد امریکی فلم ساز ہیں(فائل فوٹو)

PESHAWAR: آسکر 2022 پاکستانی نژاد فلمساز محمد علی نقوی اکیڈمی آف موشن پکچر کے رکن بن گئے ہیں اور انہیں بطورِ جج مدعو کیا گیا ہے۔

فلم سازی میں متعدد ایوارڈز اپنے نام کرنے والے پاکستانی فلمساز محمد علی نقوی کو آسکر 2022 میں دستاویزی فلموں کی کیٹیگری کا جج مقرر کر دیا گیا ۔

سماجی رابطے کی ویب سائٹ ٹوئٹر پر محمد علی نقوی نے خبر کی تصدیق کرتے ہوئے خوشی کا اظہار کیا انہوں نے لکھا کہ 'مجھے یہ اعلان کرتے ہوئے خوشی ہورہی ہے کہ میں اب ''دی اکیڈمی'' کا حصہ ہوں'۔

Beyond thrilled to announce that I am now a member of #TheAcademy, inducted into the Academy of Motion Pictures. It is an honor for me and I am proud to represent #Pakistan. I look forward to casting my first vote! @TheAcademy #WeAreTheAcademy https://t.co/Wgk8GF82qV pic.twitter.com/h43VbbS9ly

- Mohammed Ali Naqvi (@manaqvi) June 30, 2022

انہوں نے مزید کہا کہ 'اکیڈمی آف موشن پکچر میں شامل ہونا میرے لئے اعزاز کی بات ہے، اور مجھے پاکستان کی نمائندگی کرنے پر فخر ہے'۔

واضح رہے کہ اس سال آسکر سے جن افراد کو مدعو کیا گیا ہے اُن میں بالی ووڈ کی مشہور و معروف اداکارہ کاجول سمیت 397 افراد شامل ہیں، انہیں بھی اکیڈمی آف موشن پکچر آرٹس اینڈ سائنسز کا رکن بننے کے لیے مدعو کیا گیا ہے۔