اسلام آباد ایئرپورٹ پر ایئرلیگ اورپیپلزیونٹی میں میں تصادم 6 افراد زخمی

تصام کے دوران دونوں یونینز کے نمائندوں نے ایک دوسرے پر لاتیں، گھونسے، ڈنڈوں کے ساتھ گملے بھی پھینکے

ویب ڈیسک March 10, 2014

ایئرپورٹ پر مسلم لیگ (ن) کی پی آئی اے یونین ایئرلیگ اور پاکستان پیپلزپارٹی کی پیپلزیونٹی کے درمیان تصام ا۔ فوٹو:ایکسپریس نیوز

بے نظیر بھٹو ایئرپوٹ پر پی آئی اے کی 2 یونینز کے درمیان تصادم کے نتیجے میں 6 افراد زخمی ہوگئے۔

ایکسپریس نیوز کے مطابق اسلام آباد کے بے نظیر انٹرنیشنل ایئرپورٹ پر مسلم لیگ (ن) کی پی آئی اے یونین ایئرلیگ اور پاکستان پیپلزپارٹی کی پیپلزیونٹی کے درمیان تصام کے دوران ایک دوسرے پر لاتیں، گھونسے، ڈنڈے اور گملے بھی برسائے گئے جس کے نیتجے میں دونوں یونینز کے 6 نمائندے زخمی ہوگئے۔

دونوں یونینز کے درمیان تصادم ایئرپورٹ سیکیورٹی فورس (اے ایس ایف) کے اہلکاروں نے موقع پر پہنچ کر ختم کرایا جب کہ اس کے نتیجے میں زخمی ہونے والوں کو راولپنڈی کے بے نظیر اسپتال منتقل کردیا گیا جہاں انہیں طبی امداد فراہم کی جارہی ہے۔