عالمی برادری ہمارے اندرونی معاملات میں مداخلت نہ کرے امیرِ طالبان

سب کیساتھ اچھے تعلقات چاہتے ہیں، امیر طالبان

---

امیرِ طالبان ملا ہبتہ اللہ اخند زادہ نے عید الاضحیٰ کے موقع پر اپنے خصوصی پیغام میں کہا ہے کہ افغان سرزمین کو دوسرے ممالک کے خلاف حملوں کے لیے استعمال نہیں ہونے دیا جائے گا تاہم عالمی برادری بھی افغانستان کے اندرونی معاملات میں مداخلت نہ کرے۔

عالمی خبر رساں ادارے کے مطابق طالبان کے امیر ملا ہبتہ اللہ اخندزادہ نے عید الاضحیٰ پر اپنے پیغام میں کہا کہ امریکا کے ساتھ فروری 2020 میں ہونے والے امن معاہدے کی پاسداری کر رہے ہیں۔ تمام ممالک سے اچھے تعلقات چاہتے ہیں اور وہ بھی ہماری حکومت کو تسلیم کریں۔

Congratulatory Message of Amir-ul-Mumineen
Sheikh-ul-Hadith Mawlawi Hibautullah Akhundzadah, the Supreme Leader of
the Islamic Emirate on the Arrival of Eid-ul-AdhaIn the name of Allah, the Most Compassionate and the Most Mercifulhttps://t.co/QiXZI2uPDE pic.twitter.com/DD0jJwNLIm

— Zabihullah (..ذبـــــیح الله م ) (@Zabehulah_M33) July 6, 2022

اپنے پیغام میں امیرِ طالبان نے مزید کہا کہ اپنے پڑوسیوں، خطے اور عالمی برادری کو یقین دلاتے ہیں ہم کسی کو بھی افغان سرزمین دوسرے ممالک کی سلامتی کے لیے خطرہ بنانے کے لیے استعمال کرنے کی اجازت نہیں دیں گے۔

یہ خبر بھی پڑھیں : طالبان زیرِزمین چھپائی گئی ملا عمر کی گاڑی منظرعام پر لے آئے

ملا ہبتہ اللہ نے کہا کہ ہم یہ بھی چاہتے ہیں کہ دوسرے ممالک ہمارے اندرونی معاملات میں مداخلت نہ کریں۔ باہمی بات چیت اور مسائل کے حل کے عزم کے فریم ورک کے اندر رہتے ہوئے امریکا سمیت دنیا کے ساتھ اچھے، سفارتی، اقتصادی اور سیاسی تعلقات چاہتے ہیں۔