گلاب گینگ میں میرا کردار مزاج سے ہٹ کر ہے
جوہی چاؤلہ کا ایکسپریس کے لیے خصوصی انٹر ویو
جوہی چاؤلہ کا ایکسپریس کے لیے خصوصی انٹر ویو۔ فوٹو : فائل
بولی ووڈ کی دو سپر اسٹارز مادھوری اور جوہی چاؤلہ کی فلم ''گلاب گینگ'' گزشتہ دنوں پاکستان میں نمائش کے لیے پیش کردی گئی اس فلم نے صرف دوروز میں شاندار کامیابی حاصل کی۔
باکس آفس پر اسے بہترین رسپانس ملا عوام نے مادھوری اور جوہی چاؤلہ کا شاندار خیر مقدم کیا، بولی ووڈ سپر اسٹار جوہی چاؤلہ اور مادھوری کی ایک ساتھ یہ پہلی فلم ہے،اس فلم کی پاکستان میں نمائش کے موقع پر ادکارہ جوہی چاؤلہ نے ایکسپریس سے خصوصی گفتگو کی۔
انھوں نے اپنی دلچسپ گفتگو میں کیا کیا باتیں کی آپ کو بھی بتاتے ہیں، جوہی چاؤلہ نے کہا ''گلاب گینگ'' میرے لئے ایک خاص فلم ہے میں نے اس میں ایک خاص قسم کا کردار ادا کیا ہے جو میرے مزاج کے برخلاف ہے ،میں نے اس سے پہلے ایسا کردار ادا نہیں کیا تھا، لیکن بڑا مزا آیا ایک سیاست داں کا مصالحہ دار کردار ہے، لیکن ایک سنجیدہ موضوع ہے جو خواتین کے مسائل سے جڑا ہوا ہے، میرے ڈائیلاگ بہت کرارے مزے دار ہیں میری اس فلم میں پرفارمنس بھی بہت اچھی ہے اگر میں اپنی کواسٹار مادھوری کی تعریف نہ کروں تو یہ زیادتی ہوگی میرے ساتھ تمام ساتھی فنکاروں نے بھی بہت اچھا کام کیا ہے،جوہی چاؤلہ نے انٹرویو دیتے ہوئے کہا کہ فلم کا میوزک بہت عمدہ ہے بس آپ یہ کہہ سکتے ہیں کہ یہ پیسہ وصول فلم ہے۔
سمیتا دیوی کا کردار منفی ہے اور میرے چاہنے والے مجھ سے اس کردار کی توقع نہیں کررہے تھے۔ لوگ سمجھ رہے تھے کہ میں جھوٹ بول رہی ہوں کہ میں یہ کردار ادا کررہی ہوں کیونکہ انھیں پتہ تھا کہ میں ایسا رول نہیں کروں گی اور وہ مجھے اس کردار میں قبول نہیں کریں گے اور میرا یہ تجربہ ناکام ہوجائے گا، پھر مجھے یہ بھی خیال آیا کہ میں ایسا کیوں کروں لیکن جب فلم کے ڈائریکٹر نے مجھے فلم کی کہانی سنائی۔
ڈائریکٹر سے ملاقات ہوئی انھوں نے مجھے اس کردار کے متعلق تفصیلات سے آگا ہ کیا، تو پھر مجھے بہت اچھا لگا، انہوں نے اس موقع پر کہا کہ مجھے لگا اس کردار میں جان ہے، کوئی بات ضرور ہے اور پھر اس فلم میں میں اور مادھوری ایک ساتھ ہوں گے۔فلم کے اسکرپٹ میں کچھ ہے۔
مادھوری کے ساتھ کردار کے حوالے سے انھوں نے کہا کہ میں ان کے ساتھ اس سے پہلے کبھی کسی فلم میں کام نہیں تھا، ہمارا ایک دوسرے کے ساتھ کام کرنے کا تجربہ بھی نہیں تھا، لیکن اس فلم میں مجھے ان کے ساتھ کام کرکے بہت اچھا، منفرد اور اسپیشل لگا۔مادھوری کو میں نے کبھی اتنا قریب سے نہیں دیکھا تھا، میں ان سے کبھی ملی نہیں تھی، ملی تھی تو ہیلو ہائے کی حد تک۔لیکن گلاب گینگ کی شوٹنگ شروع ہونے سے پہلے ڈائریکٹر نے ہم دونوں کو چائے پر مدعو کیا، ہمارے درمیان بہت اچھے ماحول میں بات چیت ہوئی۔ ساتھ چائے پی اس دوران ہمارے روم سے سب لوگ باہر نکل گئے میں اور مادھوری ایک دوسرے کے قریب ہوئے اور پھر کام شروع ہوا۔
گلاب گینگ دراصل ایک گینگ ہے لیکن اس کا کوئی وجود نہیں،اس کے نام سے ملتا جلتا نام لے کر یہ فلم بنائی گئی ،مادھوری اور میں سالوں سے ایک دوسرے کو دیکھتے رہے ہیں یہ ایک خاص فلم ہے جس میں مجھے اور مادھوری کو دیکھ کر فلم بین خوش ہوں گے۔ گلاب گینگ خواتین کے مسائل کا احاطہ کرتی ہے ،ویمن ڈے کے موقع پر اسے ریلیز کیا گیا ہے۔
ویمن اسپیشل فلم ہے میں پاکستانی فلم بینوں اور خاص طور سے خواتین سے کہوں گی کہ وہ اس فلم کو ایک بار ضرور دیکھنے سنیما گھر جائیں، کیونکہ یہ ان کی فلم ہے، اس میں آپ کو بھر پور تفریح ملے گی اور بہت سے سماجی مسائل پر اچھا پیغام بھی ملے گا، جوہی چاؤلہ نے کہا میں متعدد بار پاکستان آئی ہوں مجھے معلوم ہے کہ مجھے پاکستان میں چاہنے والے بہت بڑی تعداد میں موجود ہیں مجھے امید ہے میری فلم گلاب گینگ ان کے معیار پر پوری اترے گی!!!
باکس آفس پر اسے بہترین رسپانس ملا عوام نے مادھوری اور جوہی چاؤلہ کا شاندار خیر مقدم کیا، بولی ووڈ سپر اسٹار جوہی چاؤلہ اور مادھوری کی ایک ساتھ یہ پہلی فلم ہے،اس فلم کی پاکستان میں نمائش کے موقع پر ادکارہ جوہی چاؤلہ نے ایکسپریس سے خصوصی گفتگو کی۔
انھوں نے اپنی دلچسپ گفتگو میں کیا کیا باتیں کی آپ کو بھی بتاتے ہیں، جوہی چاؤلہ نے کہا ''گلاب گینگ'' میرے لئے ایک خاص فلم ہے میں نے اس میں ایک خاص قسم کا کردار ادا کیا ہے جو میرے مزاج کے برخلاف ہے ،میں نے اس سے پہلے ایسا کردار ادا نہیں کیا تھا، لیکن بڑا مزا آیا ایک سیاست داں کا مصالحہ دار کردار ہے، لیکن ایک سنجیدہ موضوع ہے جو خواتین کے مسائل سے جڑا ہوا ہے، میرے ڈائیلاگ بہت کرارے مزے دار ہیں میری اس فلم میں پرفارمنس بھی بہت اچھی ہے اگر میں اپنی کواسٹار مادھوری کی تعریف نہ کروں تو یہ زیادتی ہوگی میرے ساتھ تمام ساتھی فنکاروں نے بھی بہت اچھا کام کیا ہے،جوہی چاؤلہ نے انٹرویو دیتے ہوئے کہا کہ فلم کا میوزک بہت عمدہ ہے بس آپ یہ کہہ سکتے ہیں کہ یہ پیسہ وصول فلم ہے۔
سمیتا دیوی کا کردار منفی ہے اور میرے چاہنے والے مجھ سے اس کردار کی توقع نہیں کررہے تھے۔ لوگ سمجھ رہے تھے کہ میں جھوٹ بول رہی ہوں کہ میں یہ کردار ادا کررہی ہوں کیونکہ انھیں پتہ تھا کہ میں ایسا رول نہیں کروں گی اور وہ مجھے اس کردار میں قبول نہیں کریں گے اور میرا یہ تجربہ ناکام ہوجائے گا، پھر مجھے یہ بھی خیال آیا کہ میں ایسا کیوں کروں لیکن جب فلم کے ڈائریکٹر نے مجھے فلم کی کہانی سنائی۔
ڈائریکٹر سے ملاقات ہوئی انھوں نے مجھے اس کردار کے متعلق تفصیلات سے آگا ہ کیا، تو پھر مجھے بہت اچھا لگا، انہوں نے اس موقع پر کہا کہ مجھے لگا اس کردار میں جان ہے، کوئی بات ضرور ہے اور پھر اس فلم میں میں اور مادھوری ایک ساتھ ہوں گے۔فلم کے اسکرپٹ میں کچھ ہے۔
مادھوری کے ساتھ کردار کے حوالے سے انھوں نے کہا کہ میں ان کے ساتھ اس سے پہلے کبھی کسی فلم میں کام نہیں تھا، ہمارا ایک دوسرے کے ساتھ کام کرنے کا تجربہ بھی نہیں تھا، لیکن اس فلم میں مجھے ان کے ساتھ کام کرکے بہت اچھا، منفرد اور اسپیشل لگا۔مادھوری کو میں نے کبھی اتنا قریب سے نہیں دیکھا تھا، میں ان سے کبھی ملی نہیں تھی، ملی تھی تو ہیلو ہائے کی حد تک۔لیکن گلاب گینگ کی شوٹنگ شروع ہونے سے پہلے ڈائریکٹر نے ہم دونوں کو چائے پر مدعو کیا، ہمارے درمیان بہت اچھے ماحول میں بات چیت ہوئی۔ ساتھ چائے پی اس دوران ہمارے روم سے سب لوگ باہر نکل گئے میں اور مادھوری ایک دوسرے کے قریب ہوئے اور پھر کام شروع ہوا۔
گلاب گینگ دراصل ایک گینگ ہے لیکن اس کا کوئی وجود نہیں،اس کے نام سے ملتا جلتا نام لے کر یہ فلم بنائی گئی ،مادھوری اور میں سالوں سے ایک دوسرے کو دیکھتے رہے ہیں یہ ایک خاص فلم ہے جس میں مجھے اور مادھوری کو دیکھ کر فلم بین خوش ہوں گے۔ گلاب گینگ خواتین کے مسائل کا احاطہ کرتی ہے ،ویمن ڈے کے موقع پر اسے ریلیز کیا گیا ہے۔
ویمن اسپیشل فلم ہے میں پاکستانی فلم بینوں اور خاص طور سے خواتین سے کہوں گی کہ وہ اس فلم کو ایک بار ضرور دیکھنے سنیما گھر جائیں، کیونکہ یہ ان کی فلم ہے، اس میں آپ کو بھر پور تفریح ملے گی اور بہت سے سماجی مسائل پر اچھا پیغام بھی ملے گا، جوہی چاؤلہ نے کہا میں متعدد بار پاکستان آئی ہوں مجھے معلوم ہے کہ مجھے پاکستان میں چاہنے والے بہت بڑی تعداد میں موجود ہیں مجھے امید ہے میری فلم گلاب گینگ ان کے معیار پر پوری اترے گی!!!