کراچی میں ڈاکو بے خوف ہو گئے مزاحمت پر ایک اور قتل

لاہور:
شہر قائد میں ڈاکو بے خوف ہوکر وارداتیں کرنے میں مصروف ہیں۔ اتحاد ٹاؤن میں موٹرسائیکل سوار ڈاکوؤں نے مزاحمت پر ایک شخص کو فائرنگ کرکے قتل کردیا۔

پولیس کے مطابق اتحاد ٹاؤن کے علاقے قاضی اسپتال سیکٹر 9 اے بلدیہ ٹاؤن نمبر 9 میں موٹر سائیکل سوار ڈاکوؤں نے لوٹ مار کے دوران مزاحمت پر ایک شخص پر گولیاں چلا دیں اور موقع سے فرار ہو گئے۔ جاں بحق ہونے والے شخص کی شناخت 30 سالہ نعیم کے نام سے ہوئی ہے۔ مقتول کی لاش رات گئے ضابطے کی کارروائی کے لیے سول اسپتال لائی گئی۔


یہ خبر بھی پڑھیے: کراچی میں ڈاکو راج، ایک گھنٹے میں 6 وارداتیں، شہری قتل، 5 زخمی

دوسری جانب کورنگی کے علاقے ناصر جمپ کرسچن ٹاؤن کے قریب ٹریفک حادثے میں موٹرسائیکل سوار نوجوان جاں بحق ہوگیا۔ ریسکیو حکام کے مطابق نوجوان کی شناخت 25 سالہ فہیم کے نام سے ہوئی۔ متوفی کورنگی کا رہائشی بتایا جاتا ہے ۔