اوم پوری اور دیویا دتہ آج پاکستان آئیں گے

3 روزہ خصوصی کھیل الحمراء ہال میں پیش کیا جائے گا، ان کی تکنیکی ٹیم بھی موجود ہو گی۔ فوٹو : فائل

---

برصغیرپاک وہند کے مقبول اداکاراوم پوری ساتھی اداکارہ دیویا دتہ کے ہمراہ آج پاکستان پہنچیں گے۔

لاہورمیں ان کا استقبال برفی تھیٹر پروڈکشنز کے روح رواں بدر خان کرینگے۔ اس سلسلہ میں تمام تیاریوں کو حتمی شکل دیدی گئی ہے۔ بھارت سے آنیوالے مہمانوں کو مقامی ہوٹل میں ٹہرایا جائے گا جب کہ دونوں فنکار اگلے روز لاہور کے الحمراء ہال میں اسٹیج ڈرامہ ''تیری پریتم'' پیش کرینگے۔ تین روزہ اس خصوصی کھیل میں اوم پوری اور دیویادتہ اپنی اداکاری کے جوہر دکھائینگے جب کہ تکنیکی سہولیات کے لیے ان کی ٹیم کے ارکان بھی وہاں موجود ہونگے۔

واضح رہ کہ پہلی بار پاکستان یاتراکرنے کے خواہشمند اوم پوری یہاں آنے سے قبل ہی اس بات کا اظہار کرچکے ہیں کہ وہ یہاں پراسٹیج ڈرامہ کرنے کے ساتھ ساتھ لاہور کی سیر بھی کرینگے اور یہاں کے لذیذ پکوان بھی کھائیں گے جس کے لیے ان کے میزبان ، اداکار بدر خان نے تمام شیڈول ترتیب دے رکھا ہے جس کے مطابق وہ لاہور میں مصروف رہیں گے۔