اداکارہ حریم فاروق کورونا میں مبتلا
عید کے موقع پر وبا سے بچاؤ کے لیے احتیاط برتیں اور اپنے پیاروں کا بھی خیال رکھیں، اداکارہ کی اپیل
معروف اداکارہ حریم فاروق عید سے قبل کورونا وائرس کا شکار ہوگئیں اور مداحوں سے اپیل کی کہ عید پر احتیاطی تدابیر اپنائیں۔
میڈیا رپورٹ کے مطابق حریم فاروق نے سماجی رابطے کی سائٹ انسٹاگرام پر مداحوں کو آگاہ کیا کہ ان کا کووڈ19 ٹیسٹ مثبت آگیا ہے، مجھ میں کورونا کی علامات بری طرح ظاہر ہوئیں۔
اداکارہ نے بتایا کہ ان میں کورونا کی تصدیق سے پہلے کے چند دن بھیانک تھے، عید کے موقع پر وبا سے بچاؤ کے لیے احتیاط کریں اور اپنے پیاروں کا بھی خیال رکھیں۔
حریم کا کہنا تھا کہ افسوس ہے کہ مجھے اس عید پر آئسولیشن میں رہنا ہوگا۔ انہوں نے اپنے پرستاروں سے دعاؤں کی بھی اپیل کی۔