عیدالاضحیٰ کے موقع پر شوبز ستاروں کی مبارک باد
معروف اداکار وفنکار بھی قوم کے ہمراہ عید مذہبی عقیدت واحترام سے منا رہے ہیں
کراچی:
شوبز انڈسٹری سے تعلق رکھنے والی معروف شخصیات نے عیدالاضحیٰ کے موقع پر قوم کو مبارک باد پیش کی اور نیک تمناؤں کا اظہار کیا۔
میڈیا رپورٹ کے مطابق نامور اداکار و ٹی وی میزبان فہد مصطفیٰ نے سوشل میڈیا پر عید کی مبارک باد اور نیک خواہشات اپنے مداحوں نے نام کیں اور آخر میں عید مبارک لکھا۔
سپر اسٹار ماہرہ خان نے ٹوئٹر پر عید مبارک کا ٹوئٹ کیا۔ سینئر اداکار نعمان اعجاز نے ایک ویڈیو شیئر کی جس میں وہ اپنے بچوں کے ہمراہ گاڑی میں نظر آرہے ہیں اور انہوں نے بھی مبارک باد دی۔
اسی طرح اداکارہ سارہ خان نے اپنے شوہر گلوکار فلک شبیر کے ہمراہ عید کی خوبصورت تصویر شیئر کی۔ مشہور شوبز شخصیت جنید خان نے بھی اپنی فیملی کے ساتھ عید کی یادگار تصویر بنائی۔