کراچی ایئرپورٹ پر سی اے اے کی تنصیبات کو طوفانی بارشوں سے شدید نقصان
رن وے 25 آر کی لائٹس خراب ہوئی ہیں، سی اے اے
ISLAMABAD:
کراچی ایئرپورٹ پر سول ایوی ایشن اتھارٹی (سی اے اے) کی تنصیبات کو حالیہ طوفانی بارشوں سے شدید نقصان پہنچا ہے۔
سی اے اے کے مطابق حالیہ طوفانی بارشوں سے کراچی ایئرپورٹ کے رن وے 25 آر کی لائٹس خراب ہوئی ہیں، رن وے کی لائٹس میں بارشوں کے دوران شارٹ سرکٹ ہوا۔
تاحال رن وے 25 آر کی لائٹس کی خرابی دور نہیں کی جا سکی۔ کراچی ایئرپورٹ کے پسنجر بورڈنگ برج نمبر 16 کو بھی شدید نقصان ہوا۔
اتھارٹی کا کہنا ہے کہ صورتِ حال سے متعلق تمام ایئرلائنز کو نوٹم کے ذریعے آگاہ کر دیا تھا۔