ایک رکشہ میں 27 افراد کی سواری سوشل میڈیا پر وائرل

سوشل میڈیا صارفین نے رکشہ کی ویڈیو پردلچسپ تبصرے کئے:فوٹو:فائل

---

ایک رکشہ میں سے 27 مسافروں کی موجودگی نے پولیس والوں سمیت تمام دیکھنے والوں کو حیران کردیا۔

رکشہ کو زیادہ سے زیادہ تین افراد کی سواری سمجھا جاتا ہے لیکن بھارتی ریاست اترپردیش کے شہر فتح پور میں کچھ انوکھا معاملہ ہوا۔

پولیس نے ایک رکشہ کو روکا تو اس میں سے ایک دو نہیں بلکہ بچوں سمیت 27 افراد برآمد ہوئے جسے دیکھ کر پولیس اہلکار دنگ رہ گئے۔ رکشہ سے 27 مسافروں کے نکلنے اورپولیس اہلکار کی جانب سے ان کی گنتی کرنے کی ویڈیو سوشل میڈیا پروائرل ہوگئی۔ پولیس نے اوور لوڈنگ پر رکشہ تحویل میں لے لیا۔

In UP's Fatehpur, an auto rickshaw ferrying 27 commuters was stopped by the local police during a check. The auto was later seized. pic.twitter.com/hez49t9eJS

— Piyush Rai (@Benarasiyaa) July 11, 2022

سوشل میڈیا صارفین میں سے کچھ نے رکشہ میں 27 سواریوں کو گینز بک کے ریکارڈ میں شامل کرنے کا مطالبہ کیا تو کچھ نے ٹرانسپورٹ کی سہولتیں نہ ہونے کی نشاندہی کی۔