وارڈنز نے معذوری کا بہانہ بناکر بھیک مانگنے والے نوسرباز کو دھر لیا

ملزم بازوؤں کو قمیض میں چھپاکر معذوری کا بہانہ بناکر بھیک مانگتا تھا فوٹو:فائل

---

BENGALURU: مال روڈ پر وارڈنز نے معذوری کا بہانہ بناکر بھیک مانگنے والے نوسرباز کو دھر لیا۔

ترجمان ٹریفک پولیس کے مطابق ملزم بازوؤں کو قمیص میں چھپاکر معذوری کا بہانہ بناکر بھیک مانگتا تھا۔ مشکوک حرکات وسکنات پر نوسرباز کو چیک کیاگیا۔

سی ٹی او لاہور نے سگنلز پر گداگروں کے خلاف کارروائی کےلئے تمام ڈویژنل افسران اور سرکل افسران کو ہدایات کرتے ہوئے کہا کہ سگنلز خصوصاً مال روڈ پر بھکاریوں اور گدگروں کو ہٹایا جائے، شہری ایسے عناصر کی حوصلہ شکنی میں ٹریفک پولیس کا ساتھ دیں، آپ کی محنت کی کمائی دھوکہ بازوں کیلئے نہیں۔

ایسے افراد کی وجہ ان لوگوں حق مارا جاتا جو سفید پوش اور مدد کے حقدار ہیں۔۔#Lahore pic.twitter.com/1VNWmIm2Lk

— moosaghani (@moosaghani2015) July 13, 2022

منتظر مہدی کا کہنا تھا کہ گداگروں کی سرگرمیوں سے نہ صرف ٹریفک کی روانی متاثر بلکہ حادثات کا اندیشہ بھی رہتا ہے، ٹریفک سگنلز کو گداگری جیسی لعنت سے پاک کیا جائے گا، حوصلہ شکنی سے نہ صرف معاشرے میں بہتری بلکہ ٹریفک کی روانی بھی بہتر ہوگی، غریب ہونا جرم نہیں مگرا پنے آپ کو دوسرں کیلئے محتاج بنانا جرم ہے، بھیس بدل کر بھیک مانگنے والوں کےخلاف مقدمہ درج کروایا جائے گا۔

سی ٹی او نے عوام سے گداگری جیسے معاشرتی ناسور کے خاتمے کےلئے ٹریفک پولیس کا ساتھ دینے کی اپیل بھی کی۔