کراچی میں وکیل کے اغوا کے خلاف وکلا برادری کا عدالتی کارروائیوں کا بائیکاٹ

وکلا کے احتجاج کی وجہ سے عدالتوں میں زیر سماعت سیکڑوں مقدمات التوا کا شکار ہوگئے۔ فوٹو: راشد اجمیری

---

گزشتہ روز سینیئر وکیل کے اغوا کے خلاف وکلا برادری نے ماتحت عدالتوں اور ہائی کورٹ میں عدالتی کارروائیوں کا بائیکاٹ کردیا۔

ایکسپریس نیوز کے مطابق گزشتہ رات سینیئر وکیل تلمیز برنی کو نامعلوم افراد نے اس وقت اغوا کرلیا تھا جب وہ ایئرپورٹ سے اپنے گھر جارہے تھے، جس پر وکلا برادری نے شہر کی تمام ماتحت عدالتوں اور ہائی کورٹ میں عدالتی کارروائیوں کا بائیکاٹ کردیا۔ وکلا کے احتجاج کی وجہ سے عدالتوں میں زیر سماعت سیکڑوں مقدمات التوا کا شکار ہوگئے جس کی وجہ سے سائلین کو شدید مشکلات کا سامنا کرنا پڑا۔

دوسری جانب وکلا کا کہنا ہے کہ پولیس مغوی وکیل کو جلد بازیاب کرائے، اگر تلمیز برنی کو بازیاب نہ کرایا گیا تو احتجاج کا سلسلہ مزید بڑھایا جائے گا۔