بھکر میں قومی اسمبلی کے سابق ڈپٹی اسپیکر قاسم سوری کی گاڑی الٹ گئی
قاسم سوری خوش قسمتی سے معمولی زخمی ہوئے، گاڑی قلا بازی کھا کر دوسری کار سے ٹکرائی، ڈی پی او بھکر
July 14, 2022
ISLAMABAD:
پنجاب کے ضلع بھکر میں قومی اسمبلی کے سابق ڈپٹی اسپیکر اور پی ٹی آئی کے رہنما قاسم سوری کی گاڑی حادثے کے باعث الٹ گئی۔
ایکسپریس نیوز کے مطابق سابق ڈپٹی اسپیکر کی گاڑی بھکر دریا خان روڈ پر حادثے کا شکار ہوئی جس میں قاسم سوری خوش قسمتی سے معمولی زخمی ہوئے۔
رپورٹ کے مطابق قاسم سوری حلقہ پی پی 90 کے انتخابی جلسے کے لیے لاہور سے بھکر آرہے تھے کہ اس دوران دریا خان روڈ اور کوٹلہ جام کے قریب ٹائر پھٹ گیا، جس کے باعث اُن کی گاڑی قلابازی کھا کر سامنے والی گاڑی سے ٹکرا گئی۔
ڈی پی او بھکر نے تصدیق کی کہ قاسم سوری اور ڈرائیور کو اسپتال پہنچایا گیا جہاں ڈاکٹرز نے دونوں کی حالت کو خطرے سے باہر قرار دیا اور طبی امداد دے کر روانہ کردیا۔