راولپنڈی کے گولڈن مین پر فوڈ اسٹریٹ عملے کا تشدد
میں فقیر نہیں ہوں، مجھے کہا جاتا ہے یہاں مت کھڑے ہو، گولڈن مین
JAKARTA:
راولپنڈی کے گولڈن مین پر مقامی فوڈ اسٹریٹ کے عملے نے تشدد کا نشانہ بنایا ہے۔
گولڈن مین نے تشدد کرنے والوں کے خلاف تھانہ کینٹ پولیس کو درخواست بھی دے دی۔ علاوہ ازیں عینی شاہدین نے بتایا کہ گولڈن مین کو مبینہ طور پر 4 سے زائد افراد نے تشدد کا نشانہ بنایا۔
دوسری جانب گولڈن مین نے روتے ہوئے بتایا کہ ان کے والد فوت ہو چکے ہیں اور وہ اس کام کے ذریعے بچوں کا پیٹ پالتے ہیں۔ انہوں نے کہا کہ ' میں فقیر نہیں ہوں اور بھیک بھی نہیں مانگتا مجھے کہا جاتا ہے یہاں مت کھڑے ہو، کہاں جاؤں انتظامیہ کو چاہیے کہ مجھے تحفظ فراہم کرے'۔