مگرناشپتی کے مزید فوائد بھی سامنے آگئے کولیسٹرول بھی کم کرتی ہے
ایواکیڈو کو سپرفوڈ کا درجہ حاصل ہے اور اس کے بہت سے فوائد میں سے ایک کولیسٹرول میں کمی بھی ہے
ایواکیڈو کھانے سے مضر کولیسٹرول کی مقدار کم ہوتی ہے۔ فوٹو: فائل
WASHINGTON:
ایک تحقیق سے یہ بات معلوم ہوئی ہے کہ مگرناشپتی (ایواکیڈو) کو کھانے کے معمولات میں شامل کرنے سے جہاں بہت سے فوائد حاصل ہوتے ہیں وہیں یہ خون میں مضر کولیسٹرول میں کمی کرسکتا ہے۔
اس سے قبل ایواکیڈو کے بہت سے فوائد کا ذکر ہم ایکسپریس ویب سائٹ پر کرچکے ہیں۔ اسے کھانے سے وزن نہیں بڑھتا، غذائی معیار بڑھتا ہے اور مضرکولیسٹرول کی سطح بھی کم ہوجاتی ہے۔
امریکن ہارٹ ایسوسی ایشن کے جرنل میں شائع رپورٹ کے مطابق ایواکیڈو میں کئی طرح کے کیمیائی اجزا طبی لحاظ سے بہت اہمیت رکھتے ہیں۔ اس ضمن میں لوگوں کو دو گروہوں میں بانٹا گیا اور ایک کی غذا میں ایواکیڈو شامل کیا گیا اور دوسرے گروہ کو غذا میں مگرناشپتی نہیں دی گئی۔
لو ڈینسٹی لائپوپروٹین یا ایل ڈی ایل کولیسٹرول کو مضر کولیسٹرول بھی کہا جاتا ہے۔ خون میں اس کی مقدار بڑھنے سے قلبی شریانوں کی تنگی، دل کے دورے اور فالج کے خطرات بڑھ جاتے ہیں۔ اس تناظر میں ایواکیڈو وٹامن سی اور کے کے علاوہ کئی طرح کے فائبر سے مالامال ہوتے ہیں اور یوں کولیسٹرول گھٹاتے ہیں۔
ماہرین نے کہا ہے کہ روزانہ ایک ایواکیڈو چھ ماہ تک کھانے سے بہت فوائد حاصل ہوسکتے ہیں۔ اس ضمن میں سینکڑوں افراد کو چھ ماہ تک ایواکیڈو دیئے گئے جبکہ دوسرے گروہ نےمعمول کی غذا کھائی۔ 8 پھر 16 اور پھر 26 ہفتے بعد تمام شرکا کا طبی معائنہ کیا گیا بالخصوص جسم میں چربی اور کولیسٹرول کو بھی نوٹ کیا گیا۔
ان میں سے جن افراد نے ایواکیڈو کھایا تھا ان کے جسم میں دیگرکے مقابلےمیں ایل ڈی ایل کولیسٹرول کی مقدار کم دیکھی گئی۔
ایک تحقیق سے یہ بات معلوم ہوئی ہے کہ مگرناشپتی (ایواکیڈو) کو کھانے کے معمولات میں شامل کرنے سے جہاں بہت سے فوائد حاصل ہوتے ہیں وہیں یہ خون میں مضر کولیسٹرول میں کمی کرسکتا ہے۔
اس سے قبل ایواکیڈو کے بہت سے فوائد کا ذکر ہم ایکسپریس ویب سائٹ پر کرچکے ہیں۔ اسے کھانے سے وزن نہیں بڑھتا، غذائی معیار بڑھتا ہے اور مضرکولیسٹرول کی سطح بھی کم ہوجاتی ہے۔
امریکن ہارٹ ایسوسی ایشن کے جرنل میں شائع رپورٹ کے مطابق ایواکیڈو میں کئی طرح کے کیمیائی اجزا طبی لحاظ سے بہت اہمیت رکھتے ہیں۔ اس ضمن میں لوگوں کو دو گروہوں میں بانٹا گیا اور ایک کی غذا میں ایواکیڈو شامل کیا گیا اور دوسرے گروہ کو غذا میں مگرناشپتی نہیں دی گئی۔
لو ڈینسٹی لائپوپروٹین یا ایل ڈی ایل کولیسٹرول کو مضر کولیسٹرول بھی کہا جاتا ہے۔ خون میں اس کی مقدار بڑھنے سے قلبی شریانوں کی تنگی، دل کے دورے اور فالج کے خطرات بڑھ جاتے ہیں۔ اس تناظر میں ایواکیڈو وٹامن سی اور کے کے علاوہ کئی طرح کے فائبر سے مالامال ہوتے ہیں اور یوں کولیسٹرول گھٹاتے ہیں۔
ماہرین نے کہا ہے کہ روزانہ ایک ایواکیڈو چھ ماہ تک کھانے سے بہت فوائد حاصل ہوسکتے ہیں۔ اس ضمن میں سینکڑوں افراد کو چھ ماہ تک ایواکیڈو دیئے گئے جبکہ دوسرے گروہ نےمعمول کی غذا کھائی۔ 8 پھر 16 اور پھر 26 ہفتے بعد تمام شرکا کا طبی معائنہ کیا گیا بالخصوص جسم میں چربی اور کولیسٹرول کو بھی نوٹ کیا گیا۔
ان میں سے جن افراد نے ایواکیڈو کھایا تھا ان کے جسم میں دیگرکے مقابلےمیں ایل ڈی ایل کولیسٹرول کی مقدار کم دیکھی گئی۔