کورونا کی شدت میں اضافہ مارچ کے بعد پہلی بار 10 اموات

کورونا سے متاثر 189 افراد کی حالت تشویشناک ہے،قومی ادارہ صحت

ویب ڈیسک July 16, 2022

گزشتہ 24 گھنٹوں میں کورونا مثبت کیسز کی شرح 3.28 فیصد رہی،این آئی ایچ:فوٹو:فائل

ملک میں کورونا کی شدت میں مسلسل اضافہ ہورہا ہے۔ چار مارچ کے بعد پہلی بار کورونا کے 10 مریض انتقال کرگئے۔

قومی ادارہ صحت (این آئی ایچ ) کے مطابق گزشتہ 24 گھنٹوں کے دوران کورونا سے متاثر مزید 10 افراد انتقال کرگئے۔ کورونا کے189 مریضوں کی حالت تشویشناک ہے۔

COVID-19 Statistics 16 July 2022
Total Tests in Last 24 Hours: 22,451
Positive Cases: 737
Positivity %: 3.28%
Deaths: 10
Patients on Critical Care: 189
— NIH Pakistan (@NIH_Pakistan) July 16, 2022

گزشتہ 24 گھنٹوں کے دوران ملک بھر میں کورونا کے 22 ہزار451 ٹیسٹ کئےگئے جس میں 737کا کورونا ٹیسٹ مثبت آیا۔ کورونا کے 189 مریضوں کی حالت تشویشناک ہے۔ ملک میں کورونا کے مثبت کیسز کی شرح تین اعشاریہ دو آٹھ فیصد ریکارڈ کی گئی۔

لاہور میں کورونا کیسز کی شرح سب سے زیادہ 6.61 فیصد ریکارڈ کی گئی۔ حیدرآباد میں 5.26، پشاور میں 5.22 اورکراچی میں 4.82 ریکارڈ کی گئی۔

گزشتہ 24 گھنٹوں کے دوران لاہور میں 131، حیدرآباد میں 12، پشاور میں 28 اورکراچی میں 415 افراد میں کورونا کی تصدیق ہوئی۔ سندھ میں کورونا سے 9 جبکہ پنجاب میں ایک شخص کا انتقال ہوا۔