بھارتی گلوکار بادشاہ بھی عاصم اظہر کے مداح بن گئے

بھارتی گلوکار بادشاہ بھی عاصم اظہر کی تعریف کئے بغیر نہ رہ سکے(فائل فوٹو)

---

لاہور: پاکستان میوزک انڈسٹری کے معروف گلوکار عاصم اظہر نے گزشتہ دنوں اپنا نیا گانا ''حبیبی '' ریلیز کیا ہے جو یوٹیوب پر بھی ٹرینڈ کر رہا ہے۔

عاصم اظہر کا گانا پاکستان سمیت پڑوسی ملک بھارت میں بھی مقبول ہوا تو بھارتی گلوکار بادشاہ بھی عاصم اظہر کی تعریف کئے بغیر نہ رہ سکے۔

پاکستانی گلوکار نے فوٹو اینڈ ویڈیو شیئرنگ ایپ انسٹا گرام اسٹوری پر پڑوسی ملک کے گلوکار بادشاہ کے ہمراہ ہونے والی گفتگو کا اسکرین شاٹ شیئر کیا ہے۔



بھارتی گلوکار اور ریپر آدتیہ پرتیک سنگھ سسودیا عرف بادشاہ نے پاکستانی گلوکار اور ان کے گانے'حبیبی ' کی خوب تعریف کی جس پر عاصم نے بھارتی گلوکار کا شکریہ ادا کرتے ہوئے ان سے محبت کا اظہار بھی کیا۔

View this post on Instagram

A post shared by Asim Azhar (@asimazhar)

یاد رہے کہ عاصم اظہر کے گانے نے یوٹیوب پر ریلیز ہونے کے بعد چند گھنٹوں میں ہی یوٹیوب کے ٹرینڈنگ میوزک میں اپنی جگہ بنا لی ان کے گانے کو اب تک 2ملین سے زائد ویوز مل چکے ہیں۔