مقبول گجر کار میں بیٹھ کر فرار ہو گئے۔
جوہر ٹاؤن پولیس نے مقبول گجر کو روکا اور ایس ایچ او عاطف ذوالفقار نے سرکاری کاغذ پر دستخظ کروائے۔
پولیس نے مقبول گجر کو تھانے لے جانے کی کوشش کی، تاہم وہ دوسری کار میں بیٹھ کر فرار ہو گئے۔ مقبول گجر کو ٹریس کرنے کی کوشش کی جا رہی ہے۔
یہ بھی پڑھیں: پی ٹی آئی رہنما علی امین گنڈاپور اور مقبول گجر کے پنجاب میں داخلے پر پابندی
صوبائی وزیر داخلہ عطا اللہ تارڑ نے کہا کہ علی امین گنڈا پور اور مقبول گجر پر پنجاب میں داخلے پر پابندی قانونی طور پر لگائی گئی، مقبول گجر کو پنجاب داخلے پر پابندی کا علم ہونے کے باوجود پنجاب میں داخلے کی کوشش ان لوگوں کے مذموم مقاصد ظاہر کرتی ہے۔
عطاء اللہ تارڑ نے کہا کہ مقبول گجر کے پنجاب میں داخلے کے پلان سے ان کے خطرناک ارادے ظاہر ہوگئے ، پابندی اس لئے لگائی گئی کہ خدشہ موجود تھا کہ اسلحہ سے لیس جتھے پختونخواہ اور آزاد کشمیر سے پنجاب آئیں گے، ان کا ارادہ تھا کہ ضمنی الیکشن کے دوران امن و امان کی صورتحال خراب کریں۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔