پی ٹی آئی کے ڈی این اے میں دھاندلی شامل ہے مریم نواز
مسٹر ایکس ، وائی زیڈ آخر میں دھاندلی خان خود نکلے گا، نائب صدر ن لیگ
ISLAMABAD:
مسلم لیگ ن کی نائب صدر مریم نواز نے کہا ہے کہ دھاندلی پی ٹی آئی کے ڈی این اے میں شامل ہے۔
مریم نواز نے اپنے ٹویٹ میں عمران خان کو مخاطب کیے بغیر لکھا کہ آپ اب تھیلے اور الیکشن کمیشن آف پاکستان کا عملہ چرا کر نہیں بھاگ سکتے تو دھاندلی کا دوسرا طریقہ نکال لائے۔
انہوں نے عمران خان اور پی ٹی آئی کو تنقید کا نشانہ بناتے ہوئے مزید کہا کہ یہ جانتے ہیں کہ دھاندلی کے بغیر یہ نہ پہلے الیکشن جیتے تھے اور نہ انشاء اللہ اب جیت سکتے ہیں۔
مریم نواز نے مزید لکھا کہ پنجاب کے ضمنی انتخابات سلیکشن نہیں الیکشن ہیں، دھاندلی خان جس ایکس، وائی، زیڈ کردار کا ذکر کررہا ہے وہ آخر میں خود ہی نکلے گا۔