اسلام کے خلاف توہین آمیز فلم نا قابل قبول ہے ہلیری کلنٹن

ہلیری کلنٹن نے اسلام کے خلاف توہین آمیز فلم کی مزمت کرتے ہوئے کہا کہ امریکہ کی نظر میں یہ فلم قابل نفرت اور ناقابل قبول ہے۔ فوٹو: اے ایف پی/ فائل

---

امریکی سیکرٹری آف اسٹیٹ ہلیری کلنٹن نے کہا ہے کہ امریکی حکومت کا اسلام کے خلاف توہین آمیز فلم سے کوئی تعلق نہیں ہے۔

انھوں نے مراکش میں سینئرحکام سے گفتگو کرتے ہوئے کہا کہ امریکہ اس فلم کی بھرپور مزمت کرتا ہے۔

ہلیری کلنٹن نے مزید کہا کہ امریکہ کی نظر میں یہ فلم قابل نفرت اور ناقابل قبول ہے اوراس کے زریعے اسلام جیسے ایک عظیم مذہب کو بدنام کرنے کی سازش کی گئی ہے۔

انھوں نے اپیل کی کہ حکومت اور مذہبی رہنما ان امریکہ مخالف مظاہروں کو روکیں۔

اسلام مخالف اس فلم کی مزمت کے لئے کئی مسلمان ممالک میں مظاہرے اور یمن میں امریکی سفارتخانے پرحملہ بھی کیا گیا۔