پشاور ائرپورٹ سے منشیات کی بیرون ملک اسمگلنگ کی کوشش ناکام

ہیروئن حلوے کے ڈبوں میں چھپا کر رکھی گئی تھی

---

اے ایس ایف حکام نے پشاور اور اسلام آباد ائرپورٹس پر کارروائیاں کرتے ہوئے بیرون ملک منشیات اسمگل کرنے کی کوششیں ناکام بنادیں۔

ترجمان ائرپورٹ سکیورٹی فورس کے مطابق عملے نے پشاور ائرپورٹ پر شارجہ جانے والے مسافر سے 640 گرام ہیروئن برآمد کرلی۔ مسافر محسن نیاز نے ہیروئن حلوے کے ڈبوں میں موجود 88 کیپسولوں میں مہارت سے چھپا رکھی تھی۔

اے ایس ایف کے عملے نے سامان کی تلاشی کے دوران منشیات برآمد کر کے اسمگلنگ کی کوششں ناکام بنا دی-ملزم کو ابتدائی تفتیش کے بعدبرآمد شدہ منشیات سمیت مزید قانونی کارروائی کے لیے اے این ایف حکام کے حوالے کر دیا گیا۔

دوسری جانب اسلام آباد ائرپورٹ سے ابوظبی منشیات اسمگل کرنے کی کوشش ناکام بنا دی گئی۔ حکام کے مطابق ابوظبی جانے والے مسافر لالدار خان کے سامان کی چیکنگ کی تو بیگ کی تہوں میں سیاہ رنگ کی ٹیپ میں لپیٹ کر چھپائی گئی 2 کلو 350 گرام آیس برآمد کرلی گئی۔

اے ایس ایف حکام نے ملزم کو گرفتار کرکے ابتدائی تحقیقات کے بعد منشیات سمیت مزید قانونی کارروائی کے اے این ایف کے حوالے کردیا، جہاں ملزم کے خلاف مقدمہ درج کرکے تفتیش کا آغاز کردیا گیا۔