مقبوضہ کشمیرمیں بھارتی فوجی کیمپ میں دھماکا2 افسر ہلاک

فوجی کیمپ میں دھماکے کے بعد پونچھ کے نواحی علاقوں کی ناکہ بندی کردی گئی:فوٹو:فائل

---

مقبوضہ کشمیر میں بھارت فورسز کے کیمپ میں بم دھماکے سے دو فوجی افسر ہلاک ہوگئے۔

بھارتی میڈیا کے مطابق مقبوضہ کشمیرکے علاقے پونچھ میں بھارتی فوج کے کیمپ میں گرینیڈ دھماکے میں ایک کیپٹن اوراس کا نائب ہلاک ہوگئے۔ دھماکہ اس وقت ہوا جب بھارتی فوجی کیمپ میں مشقیں کررہے تھے۔

بھارتی فوجی حکام نے دھماکے کو 'حادثہ' قراردیا ہے تاہم دھماکے میں بھارتی فوجیوں کے ہلاکت کے بعد قریبی علاقوں کو گھیرے میں لے کر سرچ آپریشن شروع کردیا گیا ہے۔ بھارتی فوجی کیمپ کے نواحی علاقوں میں موبائل اورانٹرنیٹ سروس بھی بند کردی گئی ہے۔

مقبوضہ کشمیر میں چند روز قبل بھارتی فوجیوں نے ایک دوسرے پر فائرنگ کردی تھی جس کے نتیجے میں دو بھارتی فوجی ہلاک اورتین زخمی ہوگئے تھے۔