ملک بھر میں 20 سے 26 جولائی تک موسلا دھار بارشوں کا امکان

24 سے 26 جولائی کے دوران کراچی سمیت سندھ کے دیگر شہروں میں تیز بارش ہوسکتی ہے، محکمہ موسمیات

ویب ڈیسک July 19, 2022

موسلا دھار بارشوں سے سندھ اورپنجاب کے نشیبی علاقے زیرآب آنے کا خدشہ ہے،محکمہ موسمیات:فوٹو:فائل

ISLAMABAD: محکمہ موسمیات نے 20 سے 26 جولائی تک ملک بھر میں موسلا دھار بارشوں کی پیشگوئی کر دی۔

محکمہ موسمیات کے مطابق کل سےمون سون ہوائیں شدت کیساتھ بالائی اور وسطی علاقوں میں داخل ہوں گی۔ راولپنڈی ، اسلام آباد، پشاور، نوشہرہ ، مردان ، فیصل آباد اور لاہور میں 20 سے 23 جولائی تک موسلادھار بارش کا امکان ہے۔

محکمہ موسمیات نے 24 سے 26 جولائی کے دوران کراچی، جامشورو، میرپورخاص، لاڑکانہ ، سکھر اوربینظیر آباد میں شدید بارش کی پیش گوئی کی ہے۔ موسلا دھار بارشوں کے باعث پنجاب اورسندھ کے نشیبی علاقے زیرآب آنے کا خدشہ ہے۔ موسلا دھار بارشوں سے لینڈ سلائیڈنگ اور ندی نالوں میں طغیانی کا الرٹ بھی جاری کر دیا گیا ہے۔