عدم اعتماد کے وقت ڈالر178 روپے تھا اورآج 224 روپے ہے عمران خان

خراب معاشی صورتحال سے ثابت ہوا شریف خاندان کو معیشت اورملک چلانے کا کوئی تجربہ نہیں، عمران خان

ویب ڈیسک July 19, 2022

شریف خاندان کی مہارت چوری، منی لانڈرنگ اوراین آر او حاصل کرنے میں ہے، عمران خان:فوٹو:فائل

لاہور: پاکستان تحریک انصاف کے چئیرمین عمران خان کا کہنا ہے کہ تحریک عدم اعتماد کے وقت ڈالر178 روپے تھا جواب 224 روپے کا ہوگیا ہے۔

پی ٹی آئی کے سربراہ عمران خان نے ٹوئٹر پربیان میں کہا کہ امریکی سازش سے لائی گئی تحریک عدم اعتماد کے وقت ڈالر 178 روپے کا تھا جو اب 224 روپے کا ہوگیا ہے اورآئی ایم ایف سے معاہدے کے باوجود روپے کی قدر میں کمی کا سلسلہ جاری ہے۔

When US regime conspiracy's VoNC was tabled $ was at Rs 178. Today it is Rs 224 & in freefall despite IMF agreement. The economic meltdown shows Sharifs never had any expertise in running economy or administration. Their only expertise is looting, money laundering & getting NROs
— Imran Khan (@ImranKhanPTI) July 19, 2022

عمران خان نے مزید کہا کہ خراب معاشی صورتحال سے ظاہر ہوگیا کہ شریف خاندان کو معیشت یا انتظامی امور چلانے کا کوئی تجربہ نہیں۔ ان کی واحد مہارت چوری، منی لانڈرنگ اوراین آر او حاصل کرنے میں ہے۔ عوام حکومت تبدیل کرنے کی سازش اورپاکستان کو اس ابتر حال تک پہنچانے کے ذمہ داروں کا احتساب کرے گی۔