کشمیر پریمئیر لیگ کھلاڑیوں کی ڈرافٹنگ کا اعلان ہوگیا

(فوٹو: ٹوئٹر) ایونٹ 10 اگست سے 25 اگست تک مظفر اباد میں منعقد ہوگا

---

LONDON: کمشیر پریمئیر لیگ (کے پی ایل) کے دوسرے ایڈیشن کے ڈرافٹ تقریب کل اسلام آباد میں ہوگی، ایونٹ 10 اگست سے 25 اگست تک مظفر اباد میں منعقد ہوگا۔

کشمیر پریمئیر لیگ کے سیزن ٹو میں راولا کوٹ ہاکس، میرپور ہاکس، اوور سیز وارئیرز، کوٹلی لائنز، باغ اسٹالینز اور مظفر آباد ٹائیگرز ایکشن میں ہوں گی۔

ٹورنامنٹ کیلئے مظفر آباد ٹائیگر نے مصباح الحق کو ہیڈکوچ مقرر کردیا ہے جبکہ محمد حفیظ، انور علی، ذیشان اشرف اور ارشد اقبال بھی ٹیم کی نمائندگی کریں گے۔

باغ اسٹالینز نے صہیب مقصود، عامر یامین اور عمران جونیئر پر بھی اس بار بھی بھروسہ کیا ہے۔ کوٹلی لائنز میں احسان علی، خرم شہزاد، عرفان اللہ شاہ اور خالد عثمان سے دوسری بار بھی امیدیں لگا رکھی ہیں۔

راولا کوٹ میں احمد شہزاد،حسین طلعت، آصف آفریدی اور زمان خان کے کمبی نیشن کے ساتھ میدان میں اترنے کا فیصلہ برقرار رکھا ہے۔میرپو ہاکس کا سلمان ارشاد، ابرار احمد اور محمد اخلاق پر اعتماد برقرار ہے۔

دوسری جانب اوورسیز وارئیرز اعظم خان، کامران غلام اور سہیل خان کی صلاحیتوں سے دوسری بار فائدہ اٹھانے کے لیے کوشاں ہے۔