زرداری و شہباز لوٹی رقم سے ایم پی ایز خریدنے کی کوشش کر رہے ہیں عمران خان

یہ اپنی لوٹی گئی رقم سے این آر او 2 بھی حاصل کرچکے ہیں، عمران خان

ویب ڈیسک July 21, 2022

عوام اپنے مینڈیٹ کے تحفظ کے لئے آج احتجاج میں شریک ہوں، عمران خان:فوٹو:فائل

چئیرمین تحریک انصاف عمران خان کا کہنا ہے کہ جرائم کے بادشاہ زرداری اور شہباز شریف لوٹی ہوئی رقم سے پنجاب میں ارکان خریدنے کی کوشش کر رہے ہیں۔

پی ٹی آئی چئیرمین عمران خان نے ٹوئٹر پر بیان میں کہا کہ جرائم کے بادشاہ آصف زرداری اور شہباز شریف نے پہلے اپنی لوٹی گئی رقم سے این آراو 2 حاصل کیا اوراب پنجاب اسمبلی کے ارکان کوخریدنے کی کوشش کررہے ہیں۔

Now the Kings of Crime, Zardari & SS having gotten their NRO2 are using their salvaged looted money to purchase Punjab MPAs making a mockery of laws & desecrating our Constitution.I am asking ppl of Pak that just as they came out & thwarted plan to steal Punjab election on 17July
— Imran Khan (@ImranKhanPTI) July 21, 2022

عمران خان نے مزید کہا کہ ان کے یہ اقدامات قانون کا مذاق اڑانے اور آئین کی بے حرمتی ہے۔ پاکستان کے عوام سے کہ جس طرح 17 جولائی کو پنجاب میں الیکشن چرانے کی کوشش کو ناکام بنایا ویسے ہی اپنے مینڈیٹ کے تحفظ کے لئے آج شام پاکستان بھر میں احتجاج میں شرکت کریں۔ میں آج رات 9 بجے احتجاج سے خطاب کروں گا۔

انہوں نے کہا کہ سری لنکا کی مثال سامنے رکھتے ہوئے عوام ان بدمعاشوں، ان کے سہولت کاروں اورالیکشن کمیشن کو پیغام دیں کہ ہم پنجاب میں مینڈیٹ چرانے نہیں دیں گے۔حکومت تبدیلی کی امریکی سازش کے نتیجے میں لائی گئی امپورٹڈ حکومت نے پنجاب کےضمنی انتخابات میں سرکاری اورریاستی مشینری اورجانبداراوربد دیانت چیف الیکشن کمشنرسکندر سلطان کی مدد سے دھاندلی کی کوشش کی۔ باشعور عوام ان کی تمام سازشوں کو ناکام بنانے کے لئے پرعزم ہیں۔