لیگی ایم پی اے سے متعلق الیکشن کمیشن کیخلاف توہین عدالت کی درخواست مسترد

الیکشن کمیشن کے خلاف توہین عدالت کی درخواست نہیں بنتی، عدالت

ویب ڈیسک July 22, 2022

اسلام آباد ہائی کورٹ نے الیکشن کمیشن کیخلاف توہین عدالت کی درخواست پر فیصلہ محفوظ کیا تھا:فوٹو:فائل

اسلام آباد ہائی کورٹ نے پاکستان مسلم لیگ (ن) کے رکن پنجاب اسمبلی سے متعلق الیکشن کمیشن کیخلاف توہین عدالت کی درخواست مسترد کردی۔

اسلام آباد ہائی کورٹ نے (ن) لیگ کے رکن پنجاب اسمبلی کاشف چوہدری کو ڈی نوٹیفائی نہ کرنے پرالیکشن کمیشن خلاف دائر توہین عدالت کی درخواست پرمحفوظ فیصلہ سنا دیا۔

اسلام آباد ہائی کورٹ کے قائم مقام جسٹس عامر فاروق نے فیصلے میں کہا کہ الیکشن کمیشن کے خلاف توہین عدالت کی درخواست نہیں بنتی۔رکن پنجاب اسمبلی کے خلاف دائر درخواست میں موقف اختیار کیا گیا تھا کہ الیکشن کمیشن نے کاشف چوہدری کو نااہلی کے باوجود ڈی نوٹیفائی نہیں کیا۔ کاشف چوہدری کی سپریم کورٹ میں بھی اپیل خارج ہوگئی۔

ڈی نوٹیفائی نہ کرنے پر الیکشن کمیشن کے خلاف توہین عدالت کی کارروائی کی استدعا کی گئی تھی۔ اسلام آباد ہائی کورٹ نے الیکشن کمیشن کیخلاف توہین عدالت کی کارروائی کی درخواست مسترد کردی۔